Chotay bachon ki khorak

 بچے کو نرم اور ٹھوس غذائیں کب اور کیسے شروع کروائی جائیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

🟥 پہلے چھ ماہ تک بچے کی جسمانی و ذہنی نشوونما کے لیے ماں کا دودھ کافی ہوتا ہے۔ اس لئے اس عرصہ میں بچے کو صرف ماں کا دودھ دینا چاہیے۔

 👈 ماں یا بچے کی کسی میڈیکل وجہ کی بنیاد پر جو  بچے ماں کا دودھ نہیں لے پاتے، وہ ڈاکٹر کی ہدایت کے مطابق فارمولا ملک لے سکتے ہیں۔

👈لیکن ایک بات یاد رکھیں کہ ایک سال سے پہلے بچے کو ہر قسم کا کھلا دودھ نہیں دینا چاہیے جس کی درج ذیل وجوہات ہیں۔

Chotay bachon ki khorak

1)۔اس میں آئرن کی مقدار کم ہوتی ہے اور بچے انیمیا(خون کی کمی) کا شکار ہو جاتے ہیں۔

2)۔ پروٹین اور منرلز ضرورت سے زیادہ مقدار میں ہوتے ہیں جو گردوں پر غیر ضروری بوجھ ڈالتے ہیں۔

3)۔ اس میں موجود پروٹین سے الرجی بھی ہو سکتی ہے۔

🟥جب بچہ 6 ماہ کا ہو جاتا ہے تو اس کی جسمانی و ذہنی نشونما کے لئے دودھ کے ساتھ ساتھ نرم غذائیں بھی ضروری ہوتی ہیں، اس لئے اس عمر میں نرم غذائیں شروع کر دینی چاہئیں۔

Chotay bachon ki khorak

✔️ شروع کرنے سے پہلے درج ذیل نشانیاں دیکھ لیں کہ کیا آپ کا بچہ نرم غذائیں لینے کے لیے بالکل تیار ہے۔

👈 بچے کی بھوک بڑھ جاتی ہے اور وہ بھوک کی وجہ سے بار بار روتا ہے۔

👈 بچے کے آس پاس جب کوئی کھانا کھا رہا ہوتا ہے تو وہ اپنا منہ کھولتا ہے اور اپنے ہاتھ سے کھانا پکڑنے کی کوشش بھی کرتا ہے۔

👈 بچہ اپنی گردن خود سے سنبھال لیتا ہے اور سہارے کے ساتھ بیٹھ سکتا ہے۔

Chotay bachon ki khorak

🟥بچے کو کون سی نرم غذائیں دینی چاہئیں؟

اس میں ہمارے پاس بہت سی آپشنز موجود ہیں۔

 👈 سبزیاں:

( آلو، گاجر، شکر قندی، گوبھی،کدو، گھیا کدو، شلجم وغیرہ)

👈 دالیں:

Chotay bachon ki khorak

( مونگ دال، چنا دال، موٹا لوبیا، چنے وغیرہ)

👈فریش فروٹ:

( کیلا، آم، پپیتا، خربوزہ،  سیب، آڑو وغیرہ)

👈 اجناس:

(چاول، گندم، سوجی، ساگودانہ)

👈انڈے کی زردی

🟥 نرم غذائیں دینے کا بہتر طریقہ کیا ہے؟

Chotay bachon ki khorak

👈ضروری بات یہ ہے کہ 6-9 مہینے کے دوران کھانے والی سب چیزوں کو اکٹھا شروع نہیں کرنا بلکہ باری باری شروع کرنا ہے۔ یعنی ایک وقت میں صرف ایک چیز ہی دینی ہے۔ ایسا نہیں کہ صبح کچھ اور دیا ھے اور شام کو کچھ اور۔

مثلاً میشڈ ابلا آلو شروع کیا ہے تو اگلے کچھ دن (5-7) یہی دیا جائے اور ان دنوں میں اس کا مشاہدہ کیا جائے کہ

✔️ کیا اس چیز کا ٹیسٹ ڈیویلپ ہو گیا ہے؟

✔️ اس سے کوئی پیٹ کا مسئلہ تو نہیں ہو رھا؟

✔️ فوڈ الرجی کی علامات تو نہیں آ رہی؟

  اگر سب کچھ ٹھیک رہتا ہے تو ہر پانچ سے سات دن کے بعد پہلی چیز بند کرتے جائیں اور اگلی چیز شروع کرتے جائیں۔ اس طرح سب چیزوں کی ایک ایک کر کے باری آ جائے گی اور فوڈ الرجی پیدا کرنے والی خوراک کی نشاندہی بھی ہو جائے گی۔

👈خدا نخواستہ اگر فوڈ الرجی یا پیٹ کی شدید علامات ظاہر ہوں تو فوری طور پر وہ چیز بند کر دیں اور اپنے ڈاکٹر سے رجوع کریں۔

👈اسے جو بھی دیا جائے وہ مکمل ابال کر اور پیوری بنا کر دیا جائے۔

👈9-12 مہینے کے دوران کھانے والی سب چیزوں کو مکس کرکے دے سکتے ہیں۔

👈ان غذاؤں میں نمک معمولی مقدار میں شامل کریں اور چینی بالکل شامل نا کریں۔

Chotay bachon ki khorak

👈شروع میں پتلا کھانا دیا جائے اور کم مقدار میں دیا جائے۔ پھر آہستہ آہستہ کھانا گاڑھا کر دیا جائے اور مقدار بھی بڑھا دی جائے۔

👈کوشش کی جائے کہ فریش فروٹس باقی سب چیزوں کے آخر میں متعارف کروائے جائیں۔ کیونکہ اگر میٹھی چیزیں پہلے متعارف کروا دی جائیں تو بچے کو باقی سب چیزوں کا ٹیسٹ ڈیویلپ کرنے میں دقت محسوس ہوتی ہے اور بعض اوقات کچھ کھانے والی چیزیں ریجیکٹ بھی کر سکتا ہے۔

🟥بچوں کو کتنی مقدار میں نرم غذائیں دینی چاہیں؟

🏥🏥🏥 6 سے 9 مہینے:

Chotay bachon ki khorak

👈 بچے کی بھوک 75 فیصد ماں کے دودھ سے اور 25 فیصد نرم غذاؤں سے پوری کرنی چاہیے۔

👈ایک وقت میں صرف ایک قسم کا کھانا دیں جیسا کہ اوپر بیان کیا گیا ہے اور یہ کھانا پورا پکا ہوا ہونا چاہیے۔

👈شروع میں کچھ دنوں کے لیے پتلا کھانا دیں پھر آہستہ آہستہ تھوڑا گاڑھا کرتے جائیں۔ اور خیال رہے کہ یہ میشڈ یا پیوری فارم میں ہونا چاہیے اور اس میں کوئی ثابت پیس نہیں ہونا چاہیے تاکہ بچے کو چوکنگ نہ ہو۔

👈دن میں 2-3 بار دیں۔

👈شروع میں 2ـ3 چھوٹے چمچ جتنی مقدار دیں، اور روزانہ تھوڑی مقدار بڑھاتے رہیں۔

👈 9 ماہ کے آخر تک بچے کو تقریباً 125 مل کپ جتنی مقدار لے لینی چاہیے۔

👈کھانے کے درمیان میں تھوڑا پانی بھی پلا سکتے ہیں

Chotay bachon ki khorak

 🏥🏥🏥 9 سے 12 میہنے:

بچے کی بھوک 50 فیصد ماں کے دودھ سے اور 50 فیصد نرم غذاؤں سے پوری کرنی چاہیے۔

👈کھانے والی سب چیزوں کو مکس پکا کر دے سکتے ہیں۔

👈درمیانہ گاڑھا دیں اور اس میں غذا کے کچھ چھوٹے نرم ٹکڑے بھی ہونے چاہئیں تاکہ چبانے اور نگلنے کی عادت ڈیویلپ ہو سکے۔

👈دن میں 3-4 بار دیں۔

👈ھر بار تقریباً 125 مل کپ جتنی مقدار دیں۔

👈اس کے علاوہ فنگر فوڈ ( لمبی نرم غذائیں) دے سکتے ہیں تاکہ بچہ اپنے ہاتھ سے خود پکڑ کر کھانا سیکھے۔ جیسا کہ پکی ہوئی نرم گاجر کا لمبا ٹکڑا وغیرہ۔

👈کھانے کے درمیان میں پانی بھی پلا سکتے ہیں

Chotay bachon ki khorak

🏥🏥🏥 1 سے 2 سال:

👈بچے کی بھوک 75 فیصد گھر میں پکے ہوئے ہر قسم کے کھانے سے اور 25 فیصد ماں کے دودھ سے پوری کرنی چاہیے۔

👈دن میں 3-4 بار دیں۔

👈ھر بار تقریباً 180 مل کپ جتنی مقدار دیں۔

Chotay bachon ki khorak

🟥 درج ذیل چیزیں 1 سال عمر  سے پہلے شروع نہیں کرنی چاہئیں جس کی وجوہات فوڈ الرجی، چوکنگ اور دیگر ہو سکتی ہیں۔

👈 ہر قسم کا گوشت

👈ہر قسم کا کھلا دودھ

👈شھد سی فوڈڈ. 

رائی فروٹ 

 دانے دار پھل جیسا کہ انگور وغیرہ

نمک

چینی

Chotay bachon ki khorak

🟥 میں پر امید ہوں کہ اس پوسٹ سے آپ کو کچھ رہنمائی ملی ہوگی۔ اس سے متعلق آپ کا کوئی سوال ہو تو آپ کمنٹ سیکشن میں پوچھ سکتے ہیں۔

اللہ تعالیٰ آپ کے بچے کو اچھی صحت عطا فرمائے اور آپ کے لئے اس کی پرورش میں آسانی پیدا فرمائے۔ آمین

ڈاکٹر مشال